嶠爸放假，有時間就帶左芊嶠出走大自然！今早決定去元朗農場鮮奶有限公司，飲農場鮮奶，今次飲左1L，一家四口勁飲得，芊嶠都勁叫好飲🙈🙈再食埋佢既餐蛋出前一丁、燒賣、凍薑汁撞奶，大滿足。如果大家想試下其他奶類製品，都可以試下燉奶、鮮奶芒果布丁，都係推介之一。
飲飽食醉就向錦田鄉村俱樂部出發，差唔多行到小巴站就有的士上黎，諗都冇諗就係雷公田車站搭的士去錦田鄉村俱樂部，車費$52，都唔算貴😂😂去到俱樂部，第一時間去摘🍓士多啤梨先，因為驚比人摘哂😂😂嶠爸去左探路，睇下咩位置有多d士多啤梨，佢有法國種$80/磅，韓國種$100/磅，日本特級種$120/磅。我地原本係想向韓國種🍓出手，點知摘左兩粒，唔對路，好多唔係爛就比人摘左，所以拿臨去返日本🍓田出發，多好多貨，又靚！
嶠爸教芊嶠剪，又教佢拎住粒士多啤梨，等佢剪，剪完教佢放落籃籃，芊嶠勁忘形，嶠爸走左去搵靚士多啤梨，芊嶠仲係禁企係原位剪，剪左幾粒醜樣既🙈🙈但都要硬食，笑💩左😂😂摘完就拎去磅，一磅都唔夠，$80。嶠爸拎左去洗，洗完就ko哂d🍓士多啤梨！
再出發去草地玩 (芊嶠叫左去玩好耐)。我地冇帶到泡泡個支野，所以嶠爸就買左支$25，因為芊嶠好想玩，佢又唔比嶠爸玩，係都要自己拎，比佢激💩😂😂玩左一陣悶，又去跑下，見到其他哥哥姐姐玩咩都話想玩，我就話等你大個先，佢話好，之後太累，去左睇下羊羊、豬豬、兔兔就搭小巴走左喇！
我地搭返601B出錦上路西鐵站，係C出口個邊有個小市集，係個跳虱市場，好有小時候風味😝😝如果大家去完放電仲有時間，都可以去行下😂😂不過市集都係星期六、日，公眾假期先開，大家記住唔好白行喇😃😃
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
🥛農場鮮奶有限公司🥛
🍜地址：元朗石崗甲龍村雷公田78號
🕰開放時間：星期六、日及公眾假期，09:00 - 17:30。
🚘前去方法：搭西鐵去到錦上路站 (C出口)，轉小巴72號，總站下車，步行約15分鐘就可到達。
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
🍓錦田鄉村俱樂部🍓
🐃地址：新界錦田水尾村230號
📞電話：2442 0909
🍓☎️查詢士多啤梨情況電話：5132 5131
🕰開放時間：星期一至五 10:00-6:00pm
冬天:星期六日假期 10:00-10:00pm
(夏天至7:00pm, 時間或會改動,
歡迎致電查詢,大型團體另議)
🚘前去方法：搭西鐵去到錦上路站 (D出口)，轉小巴601或601B，或轉搭的士都可以。
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
Search